Өнгөрсөн 24 жилийн хугацаанд ажил үйлчилгээгээ тасралтгүй явуулж, нийслэл болон хөдөө орон нутагт баригдах нийт 300 гаруй барилга объектын зураг төсөл боловсруулах ажлыг гүйцэтгэсэн бөгөөд түүнээс 80 орчим хувь нь баригдаж ашиглалтанд орсон байна.

“Голомт хотхон” орон сууц-үйлчилгээний цогцолбор, “Санзай орон сууцны хотхон” (28 га), “SOS хүүхдийн тосгон”, МАКС Tower, “МСS Проперти” ХХКомпанийн “Кока кола” үйлдвэрийн барилга, Оюу толгойн 4000 ажилчдын суурин, Увс, Баян-Өлгий, Төв, Сүхбаатар аямгуудын Спорт цогцолборууд, “Энканто” хотхоны төслүүд, УИХ-ын ордон , Женерал Импексийн офис, Өмнөговь аймгийн Цогт-Цэций орон сууцны хороолол, Шилтгээн, Вива сити хотхон зэрэг олон гадаад дотоодын хөрөнгө оруулалттай объектын зураг төслийг амжилттай гүйцэтгэж барилгын зураг төслийн үйлчилгээний чиглэлд цаглашгүй туршлага хуримтлуулан ажиллаж байна. Дээрх хугацаанд боловсруулсан архитектурын бүтээлийн нэг нь “МАЭ-ийн Нэрэмжит” Дээд Шагнал, 4 нь оны шилдэг бүтээлийн шагнал хүртэж, 2008 онд Монгол Улсын барилгын салбарын топ 10 байгууллагад багтан Зураг төслийн шилдэг байгууллагаар шалгарч байв.

Манай байгууллагын инженер техникийн ажилчид нь барилгын норм дүрэм бусад хууль тогтоомжийг мөрдөн хэрэглэгч захиалагчдын ашиг сонирхолд нийцсэн бүтээл боловсруулахыг байнгын зорилго болгон ажиллаж байна.

Манай компани өнөөдөр мэргэжлийн өндөр чадвартай ажилчидтай, компьютер, программ хангамж (Барилгын тооцооны LIRA-9.0, архитектур инженерийн бусад программууд) бусад техник хангамжаар хангагдсан, ажиллагсдынхаа мэргэжлийн ур чадвар, нийгмийн асуудалд илүү анхаардаг, авсан тусгай зөвшөөрлийнхөө хүрээнд захиалагчийнхаа хэрэгцээ шаардлагад нийцсэн шуурхай, чанартай үйлчилгээ үзүүлдэг эвсэг хамт олон болжээ

Зургийн группын тухай илүү дэлгэрэнгүй үзэх бол энд дарна уу.